طريقة عمل البط الدمياطي ......

 جينا بقا لطريقه البط الدمياطي وسع يابني ونزلي المقادير😂♥️

هنجيب البطه نغسلها وندلعها وننقعها في ماء  خل وملح وليمون وكده يبقا عملنا البطه بدكير نخوش بقا علي المقادير 😂

مقادير عمل البط الدمياطي.....

١- خمس حبات بصل مفروم 

٢- ربع كيلو زبيب 

٣- ملح 

٤- فلفل 

٥- كمون 

٦- ورق لوري 

٧- ٢ حبهان 

٨- بصله مقطعه اربعه

طريقة عمل حشو البط الدمياطي (المارتة )....

اول حاجه هنجيب البصل المفروم ونضع عليه ملح وفلفل اسود وحاجه بسيطه كمون وشوية زيت صغنون ونقلب حلو جدا هنروفعها علي النار ونقلب نقلب نقلب وبعدين ننزل بالزبيب ونقلب ونرفع من علي النار 

طريقة عمل البط الدمياطي .....

 نجيب البطايه ونحشيها بالمرته دي ونخيطها أو نعملها بخله ونجيب حله كبيره كده وحلوه ونحط فيها الماء لحد ما تغلي ووننزل بالبصله المقطعه اربعه ولوري وحبهان وننزل بالبطه لحد ما تستوي كده وقبل ما نرفع نزبط الملح بتاعنا   وبعدين نطلعها ونقطعها اربعه ونطلع المرته منهاونجيب بوله ونحط زبده وصلصه وفلفل وملح وندهن البطايه وندخلها الفرن والف هنا وشفا علي الجميع ♥️♥️

طب والكبده والقنصه هنرميها لا طبعا تعالي هقولك طريقه تحفة قطعيها قطع صغيرة ووضعها مع المارتة او الحشو